Итали улсын Турин хотноо Дэлхийн тусгай олимпын өвлийн наадам гуравдугаар сарын 8-аас 16-ны өдөр болж буй билээ. Уг олимпод Монголын баг тамирчид амжилттай оролцож байна.

Манай улс уг олимпоос 1 алт, 1 мөнгө, 2 хүрэл авсан медалийн буухиатай явж байсан бол энэ буухиаг Өвөрхангай аймгийн тамирчин Т.Дэлэгжаргал үргэлжлүүллээ. Тэрээр хамгийн хол зайнд буюу 800 метрийн цасны гуталтай гүйлтийн төрөлд Алтан медаль авчээ. 

Түүний хувьд 2021 онд Казан хотод болох байсан Дэлхийн Тусгай Олимпийн Өвлийн Наадам цуцлагдсанаас хойш энэ мөчийг тэвчээртэй хүлээж бэлтгэл, сургуулалтаа таслахгүй явсаар иржээ.

 Ингэснээр манай улс 2 алт, 1 мөнгө, 2 хүрэл авсан медальтай болж байна.