ESL Pro League Season 21 тэмцээний шөвгийн найман багийн тоглолт үргэлжилж буй.
Хагас шигшээ шатанд орох чухал тоглолтод манай улсын "The Mongolz" баг “Natus Vincere” багтай учраа таараад байгаа юм. Тус хоёр багийн тоглолт Улаанбаатарын цагаар гуравдугаар сарын 14-15-нд шилжих шөнийн 01:30 цагт болох юм.
Учраа таарсан “Natus Vincere” буюу NAVI баг нь Украйн улсын баг бөгөөд дэлхийд чансаагаараа гуравдугаарт жагсаж байна. Харин манай улсын “The MongolZ” баг нь чансаагаараа наймдугаарт бичигдэж буй.
Өмнө нь "IEM Katowice 2025" тэмцээний үеэр тус хоёр баг учраа таарч байсан бөгөөд “NAVI” манай улсын “The MongolZ” багийг 2:0 харьцаагаар хожиж байсан юм.
Ташрамд дурдахад, шөвгийн наймд шалгарсан багуудаас “MOUZ” болон “Team Spirit” багууд хагас шигшээ буюу шөвгийн дөрөвт шалгараад байна. Тодруулбал, Шөвгийн найман багийн тоглолтод “MOUZ баг “G2”-г 2:1 харьцаагаар, “Team Spirit” баг “Eternal Fire”-г 2:1 харьцаагаар буулган авч шөвгийн дөрөвт учраа таараад байгаа юм.
Сэтгэгдэл үлдээх