Ирэх улиралд “Mongolians” дээд лигт тоглож, "Налайх Бизон" хөгжлийн лигт тоглоно

.Graph
2025-03-14

МСБХ-ны Үндэсний Дээд Лигийн Play-In, Play-Off шатны тоглолтууд үргэлжилж байна. Play-In тоглолтод М Хөгжлийн лигээс энэ жил орж ирсэн “Chi Forest Mongolians" баг Үндэсний дээд лигийн  хүснэгтийн есдүгээрт бичигдсэн "Налайх Бизон" багтай учраа таарсан билээ. 

Тэгвэл өнөөдөр буюу гуравдугаар сарын 14-нд хоёр багийн гурав дахь тоглолт болж, “Chi Forest Mongolians" баг 76:79 харьцаатайгаар "Налайх Бизон" багийг хожлоо.

Ийнхүү хоёр багийн цувралын харьцаа 2:1 болж, “Chi Forest Mongolians" баг Play-In шатанд хожил байгууллаа. 

Ингэснээр “Chi Forest Mongolians" баг МСБХ-ны Үндэсний Дээд Лигийн 2025-2026 оны улиралд оролцох эрхээ авч байгаа юм. Харин "Налайх Бизон" баг хожигдол хүлээж, ирэх жилээс М хөгжлийн лигт тоглох болов.

Ташрамд, Play-In шатны тоглолтууд дуусаж, энэ улирлын Үндэсний дээд лигийн 9, 10 дугаарт бичигдэж байсан "ИНҮТ Еэс ТЛЖ", "Налайх Бизон" баг хоёул хожигдол хүлээн, Хөгжлийн лиг рүү унасан бол Хөгжлийн лигээс орж ирсэн "Ховд шонхорууд", “Chi Forest Mongolians" баг хожил байгуулан, ирэх улиралд дээд лигт тоглохоор болов.

Сэтгэгдэл үлдээх

Newsletter Subscribe