Жилд хоёр удаа зохиогддог ESL Pro League Season 21 тэмцээний хагас шигшээ шатанд орох тоглолтод "The Mongolz" баг “Natus Vincere” багтай учраа таарч 2:0 харьцаагаар хожил байгууллаа.

Тодруулбал, эхний map болох Mirage дээр 13:6, хоёр дахь map буюу de_ancient дээр 13:6 харьцаагаар ялсан юм.

Энэ нь "The MongolZ" баг түүхэндээ анх удаа "NAVI"-г буулгаж авч, хожил байгуулсан явдал юм.

Хожигдол хүлээсэн “Natus Vincere” (NAVI) нь тус тэмцээний өнгөрсөн улирлын буюу ESL Pro League Season 20-н аварга баг юм.
Ийнхүү манай улсын баг шөвгийн дөрөвт Францын "Vitality" багтай учраа таарч байгаа бөгөөд маргааш буюу 3 сарын 16-ны шөнийн 01:30 цагт тоглох юм.