Перу улсын Ерөнхийлөгч Дина Болуарте гэмт хэрэгтнүүдийн эсрэг тэмцэхийн тулд нийслэл Лима хотод онц байдал зарлалаа. Онц байдал 30 хоног үргэлжлэх юм. Онц байдал зарласнаар иргэдийн цугларах, шилжин явах зэрэг зарим эрх хязгаарлагдана. Мөн цагдаа, армийнхан шүүхийн шийдвэргүйгээр хүмүүсийг баривчлах боломжтой болж байгаа аж. 

Перу улсад сүүлийн 3 сар хүн амины хэрэг, хүчирхийлэл, дээрэм, олон нийтийн газар руу халдлага үйлдэх явдал эрс нэмэгдэж байна. Тодруулбал, нэгдүгээр сарын 1-нээс гуравдугаар сарын 16-ны хооронд тус улсад 459 хүний ​​аминд хүрч, зөвхөн нэгдүгээр сард л гэхэд 1909 хүн бусдын эд хөрөнгийг дээрэмдэх гэмт хэрэг үйлдсэн тухай цагдаа нар мэдээлжээ.

Өнгөрсөн ням гарагийн үүрээр гэмт хэрэгтнүүд алдарт дуучин Паул Флоресийн хамтлагийнхантайгаа явж байсан автобусыг дээрэмдэж, барьцаалахыг оролдох үед дуучин гэмт хэрэгтнүүдийн бууны суманд өртөж нас барсан. 

Алдарт дуучин руу халдлага үйлдсэн нь амралтын өдрүүдэд болсон цорын ганц үймээн самуун үүсгэсэн явдал биш бөгөөд бямба гарагт нийслэл хотын нэгэн ресторан дэлбэрэлт болж, 11 хүн шархадсан юм.

Ийнхүү олон нийтийн уур бухимдлыг намжаахын тулд Ерөнхийлөгч Болуартегийн Засгийн газар ийнхүү нийслэлд онц байдал зарлахаар шийдвэрлэсэн байна.