Авлигатай тэмцэх газраас Сүхбаатар, Баянзүрх, Чингэлтэй дүүргийн эрүүгийн хэргийн тойргийн анхан шатны шүүхийн шүүгч Д.Мөнхтуяад эрүүгийн хэрэг үүсгэн шалгаж эхэлсэн талаар tsahiur.mn сайт мэдээллээ.

Түүнийг ЭМДЕГ-ын дарга удирдлагуудын нэр бүхий гурван хүнийг авлигын хэргээр баривчилсан байсныг суллах захирамж гарган чөлөөлсөнтэй нь холбогдуулан албан тушаалаа урвуулан ашигласан байж болзошгүй гэж үзэх үндэслэл, нотолгоо бүрдүүлсэн аж.

Энэ талаар шүүгчийн хараат бус байдал, хууль ёсны ашиг сонирхлыг хамгаалах, шүүхийн бие даасан байдлыг хангах чиг үүрэг бүхий Шүүхийн ерөнхий зөвлөлийн Мэдээллийн төвөөс тодруулахад одоогоор мэдээлэл аваагүй байна гэв.