Канад улс Европын Холбооны цэргийн үйлдвэрлэлээ өргөжүүлэх шинэ төсөлд нэгдэх талаар хэлэлцээ хийж байгаа тухайгаа мэдээллээ. Ингэснээр Канад улс өөрийн үйлдвэрлэлийн байгууламжид Европын сөнөөгч онгоц болон бусад цэргийн техник хэрэгслийг бүтээх боломжтой болж байгаа юм. 

Европын Холбооны нэг, Канадын хоёр албан тушаалтан Канадыг Европын Холбооны батлан ​​хамгаалах шинэ төсөлд оруулах талаар нарийвчилсан яриа хэлэлцээ хийж байгаа аж. Тодруулбал, Канад улс нь Lockheed Martin компанийн үйлдвэрлэсэн Америкийн F-35-ын өрсөлдөгч болох Saab Gripen тийрэлтэт онгоц зэрэг цэргийн техник хэрэгсэл бүтээнэ гэж албаны хүмүүс мэдэгдсэн. Мөн тэд хэвлэлийнхэнд дэлгэрэнгүй мэдээлэл өгөх эрхгүй, хэлэлцээр үргэлжилж байгаа тул нэрээ нууцлахыг хүссэн байна. Одоохондоо тодорхой гэрээ хэлцэл хийгээгүй байна гэжээ.

"Канадтай хийх хамтын ажиллагаа маань Атлантын далайг дамнасан аюулгүй байдлыг бэхжүүлэх ач холбогдолтойгоос гадна цаашид ч улам өргөжих ёстой" гэж Европын Холбооноос мэдэгдсэн. Мөн "Батлан ​​хамгаалахын аж үйлдвэрийн үйлдвэрлэлийг нэмэгдүүлэх талаар холбогдох санаачилгын талаар хэлэлцээ хийж байна” гэж нэмж хэлсэн юм.