Монгол Улс Евроазийн эдийн засгийн холбоотой (ЕАЭЗХ) байгуулах чөлөөт худалдааны түр хэлэлцээрийг байгуулахаар тохиролцжээ.

Тодруулбал, гуравдугаар сарын 20-ны өдөр Эдийн засаг, хөгжлийн сайд Л.Гантөмөр Евразийн эдийн засгийн комиссын худалдааны сайд Андрей Слепневтэй уулзжээ.

Энэ үеэр Андрей Слепнев "Энэхүү уулзалтаар ЕАЭЗХ болон Монгол Улсын хооронд байгуулах чөлөөт худалдааны түр хэлэлцээрийн төслийн бүх үлдсэн асуудлыг нарийвчлан хэлэлцлээ. Монгол Улсыг ойрын хөрш, найрсаг харилцаатай орон хэмээн үзэж, цаашдын хамтын ажиллагааг хөгжүүлэхэд тууштай байгаагаа дахин нотолж байна" гэжээ.