2024 оны Улсын их баяр наадмаар талбайн ногоон зүлэг асуудал дагуулсан. Тодруулбал, зөвхөн тавын даваанд гэхэд 4 бөх халтирсны улмаас унаж, Улсын заан Б.Пүрэвсайхан хүнд гэмтэл авсан билээ.

Тэгвэл энэ талаар Улсын аварга О.Хангай "Наадмын талбайн хүн гэмтээдэг, хүний хөдөлмөрийг үгүй хийдэг, наадам самардаг гоё ногоон зүлгээ эртхэн сольё. Бөхчүүд ахиад ийм зүлгэн дээр барилдмааргүй байна. Өмнөх хиймэл зүлэг хальтирдаггүй байсан" хэмээн байр сууриа илэрхийлжээ.

2024 оны тавдугаар сард Төв цэнгэлдэх хүрээлэнгийн бөхийн талбайн зүлгийг 250 сая төгрөгөөр сольж байжээ.