ХЭҮК-ийн гишүүд сэтгүүлчидтэй уулзаж, тайлан мэдээлэл хуваалцлаа. Энэ үеэр мэдээ, мэдээлэл бэлтгэн түгээдэг "Ноорог" хуудсын залуусыг саатуулсантай холбоотой сэтгүүлчийн асуултад хариулав.

ХЭҮК-ийн гишүүн С.Дондов "ХЭҮК гомдол мэдээллээр төдийгүй ач холбогдол бүхий хүний эрх зөрчигдсөн байж болохуйц тохиолдлуудыг санаачилгаараа шалгаж, дүгнэлт гаргадаг. "Ноорог" хуудсын залуусын зүгээс манайд хандаагүй байгаа. Харин бид санаачилгаараа албаны хүмүүсээс таслан сэргийлэх арга хэмжээ авах үндэслэл зэрэг хуульд заасан нууцаас бусад тайлбар мэдээлэл ирүүлэх хүсэлт өгсөн байгаа. Одоогоор албан тайлбар, мэдээлэл ирээгүй тул ХЭҮК-оос дүгнэлт гаргах боломжгүй" хэмээн мэдээллээ.