270 сая долларын өртөгтэй бүтсэн “Snow White” кино гуравдугаар сарын 21-нд нээлтээ хийсэн билээ. Тэгвэл уг кино өнгөрсөн амралтын өдрүүдэд 43 сая ам.долларын орлого оллоо.

“Snow White”-ийг 48-58 сая долларын орлого олно гэж тус салбарынхан таамаглаж байсан. Хэдийгээр хүлээлтээс доогуур байсан ч “Цасан цагаан” кино нь Focus Features-ийн “Black Bag” (4.4 сая ам. доллар), Диснейн “Captain America: Brave New World” (4.1 сая ам. доллар)-ыг давсан юм. Мөн ирэх долоо хоногт тогтвортой өсөлтийг үзүүлнэ гэж салбарын шинжээчид үзэж байна.

Арав орчим жилийн өмнө 2015 оны 3-р сарын 13-нд нээлтээ хийсэн Диснейн "Үнсгэлжин" кинотой харьцуулахад "Цасан цагаан" кино тун бага орлого олсон юм. "Үнсгэлжин" кино нээлтийн амралтын өдрөөрөө 91.8 сая долларын орлого олж байсан.

Comscore-ын мэдээлснээр кино сонирхогчид сүүлийн гурван долоо хоногт театрт бага очиж байгаа бөгөөд кино театруудын орлого жилээс жилд 7%-иар буурч байгаа талаар мэдээлсэн юм. 

Fandango-ийн аналитикийн захирал, Box Office Theory-ийг үүсгэн байгуулагч, эзэмшигч Шон Роббинс CNN-д өгсөн ярилцлагадаа 2025 оны 2-р сарын сүүлээр мөн 3-р сард гарах кинонууд 2024 оны 3-р сард гарсан “Dune: Part Two” болон ““Kung Fu Panda 4”-тэй харьцуулахад багассан тул “Snow White”-ийн амралтын өдрийн орлого гайхах зүйл биш гэдгийг онцолсон юм. Мөн тэрээр "Энэ бол box office-ийн түүх бөгөөд үргэлж өгсөж, уруудаж  байдаг" гэж нэмж хэллээ.

Тус киноны IMDb үнэлгээ нь 2.1 байгаа юм.