Гуравдугаар сарын 23-ны өдөр сагсан бөмбөгийн үндэсний дээд лигийн плэй-оффын хагас шигшээ шатанд  “Хасын хүлгүүд”, “Сэлэнгэ бодонс” багийн цувралын харьцаа 1:1 болсон билээ. Тус тоглолтод “Сэлэнгэ бодонс” баг 97:83 харьцаагаар илүүрхэж, аваргуудыг буулган, плэй-оффын анхны хожлоо авав. Тэгвэл тус тоглолтод оноогоор хожигдож явсан “Хасын хүлгүүд” багаас Б.Барсболд эсрэг багийн тамирчин Н.Батбаярыг түлхэж унагаан, шүүгчээс техникийн алдаа авч, улмаар талбайг чөлөөлөв. Тэрээр Н.Батбаярыг түлхэж унагаснаас гадна мөн Ахмад Гилбертэд үг хэлж, мөргөсөн. 

Тэгвэл уг үйлдэлд Монголын сагсан бөмбөгийн холбооноос хариуцлага тооцжээ. 

Тодруулбал, холбооноос Хасын Хүлэгүүд багийн тоглогч Б.Барсболдыг цувралын 3 дахь тоглолтод оролцохгүй болгох буюу 1 тоглолт өнжөөхөөр болжээ. Мөн мөнгөн торгууль ногдуулсан байна. ТүүнчлэнЭ.Саруул-Эрдэнийн гаргасан үйлдэлд мөнгөн торгууль, Хасын Хүлэгүүд багт мөнгөн торгууль ногдууллаа.