Туркийн сөрөг хүчний Бүгд Найрамдах Ардын намын гишүүн, Станбул хотын дарга Экрем Имамоглу 2028 онд болох Ерөнхийлөгчийн сонгуульд өрсөлдөх хүчтэй нэр дэвшигчдийн нэг юм. Гэвч түүнийг өнгөрсөн лхагва гарагт эрх баригчид авлига албан тушаалын гэмт хэрэг болон террорист байгууллагад тусалж дэмжсэн, холбоо сүлбээтэй зэрэг хэргүүдэд буруутган баривчлан саатуулаад байгаа юм.

Имамоглуг баривчлагдсаны дараа түүнийг суллахыг шаардсан жагсаал Станбул хотод төдийгүй нийслэл Анкара хотод эхэлсэн билээ. 

Тэгвэл Туркийн сөрөг хүчний намын дарга Озел ВВС-д өгсөн ярилцлагадаа Имамоглуг Туркийн дараагийн ерөнхийлөгч болоход нь саад болох гэж баривчилсан. Ерөнхийлөгчийн ээлжит бус сонгууль зарлах, эсвэл Истанбул хотын шоронд хоригдож байгаа дарга Экрем Имамоглуг шоронгоос суллах хүртэл эсэргүүцлийн жагсаал хот бүрд үргэлжилнэ гэж мэдэгдлээ. 

Тэрээр мөн нэмж "Эрдоан гурван удаагийн сонгуульд ялсан хүнийг бүх дэлхийн өмнө шоронд хийлээ. Бидний очсон хот болгонд түүхэн дэх хамгийн том жагсаал цуглаан хийх болно" гэж  мэдэгдэв.

Долоон хоногийн өмнө Имамоглу баривчлагдсанаас хойш гудамжинд асар олон хүн цугларсан нь сүүлийн 10 гаруй жилийн хугацаанд тохиолдсон хамгийн том жагсаал болж байна.