Өнгөрсөн 10 дугаар сард болсон орон нутгийн сонгуулиар Булган аймагт МАН ялалт байгуулсан билээ. Булган аймгийн ИТХ нь нийт 29 мандаттай бөгөөд 15 нь МАН-аас, 14 нь АН-аас сонгогдсон байдаг. Тэгвэл МАН-аас сонгогдсон төлөөлөгч Л.Одончимэг намаасаа гарахаар болсон байна. Ийнхүү мандатын харьцаа 14:14 болоод байгаа юм.

Түүнчлэн тус аймгийн ИТХ-д МАН-аас сонгогдсон З.Батзориг, Д.Мэндсайхан нарыг ИТХ-аас хөөх асуудал яригдаж байна. Ингэснээр мандатын харьцаа 14:12 болж, АН олонх болох нөхцөл нь бүрджээ. Тодруулбал, ИТХ-ын төлөөлөгч Ш.Насандуламын өргөдөлд төлөөлөгчийн бүрэн эрхийг дуусгавар болгох хүсэлт дурдагдсан байна.  МАН-аас сонгогдсон хурлын дарга нь өөрийн намынханаа хөөж Ардчилсан намд ялалтаа бэлэглэж байна гэж иргэд шүүмжлэлтэй хандаж байгаа юм.

Ташрамд сонирхуулахад, Булган аймаг нь сарын өмнө Засаг даргаа огцруулсан билээ.