Агаарын бохирдлыг бууруулах зорилгоор гэр хорооллын айл өрхийн шөнө, оройн цагаар хэрэглэсэн цахилгааны төлбөрийг хөнгөлдөг.

Өнгөрсөн 11 дүгээр сарын 1-ээс эхэлсэн шөнийн тарифын хөнгөлөлтөд төлбөрийн үлдэгдэлгүй гэр хорооллын хэрэглэгчид хамрагдаж, гэр хорооллын хоёр тарифт тоолууртай хэрэглэгчид 21:00-06:00 цаг хүртэлх цахилгааны хэрэглээгээ хөнгөлүүлсэн билээ.

Ингэхдээ,

• 220 В-ын хүчдэлийн түвшинтэй хэрэглэгчийн нэг сарын 700 кВт.цаг хүртэл хэрэглээг 100 хувь, түүнээс их хэрэглээг 50 хувиар,
• 380 В-ын хүчдэлийн түвшинтэй хэрэглэгчийн нэг сарын 1500 кВт.цаг хүртэл хэрэглээг мөн 100 хувь, түүнээс их хэрэглээний 50 хувийг бууруулж хөнгөлөлт үзүүлэхээр Эрчим хүчний зохицуулах хорооноос тогтоосон юм.

Тэгвэл энэхүү хөнгөлөлтийн хугацаа дөрөвдүгээр сарын 1-ээс дуусахыг Улаанбаатар цахилгаан түгээх сүлжээ ТӨХК-аас мэдээллээ.