Сурагч шатарчид ДАШТ-ээс хоёр алт, нэг мөнгөн медальтай ирлээ.

Сербийн Врньачка Баньа хотод болсон сурагчдын шатрын дэлхийн аварга шалгаруулах тэмцээний

• Охидын 17 хүртэлх насны ангилалд 13 настай шатарчин ФИДЕ-гийн дэд мастер Б.Буянхишиг алт
• 11 насны ангилалд ФИДЕ-гийн дэд мастер Ч.Нандинжигүүр алт,
• 9 насны ангилалд Ш.Уранзаяа мөнгөн медалиар энгэрээ мялаажээ.

ФИДЕ-гийн дэд мастер Б.Буянхишигийн хувьд гурван жил дараалан тус тэмцээнээс медаль хүртэж байгаа нь энэ. Ингэхдээ 2023 онд U11 насанд алт, 2024 онд U13 насанд хүрэл, 2025 онд U17 насанд алтан медаль авснаар дэлхийн хошой аварга болов. Тэгвэл ФИДЕ-гийн дэд мастер Г.Нандинжигүүр хоёр жил дараалан дэлхийн аварга болж чадлаа. Харин Ш.Уранзаяагийн хувьд олон улсын тэмцээнээс авсан анхны медаль нь сурагчдын ДАШТ-ий мөнгө болж байна.

Зургаан насны ангиллаар зохион байгуулсан энэ тэмцээнд 44 орны 470 гаруй сурагч шатарчин оюун ухаан, ур чадвараа сорин өрсөлдсөн юм. Манай улсаас нийт гурван дасгалжуулагчийн удирдлагад 31 тамирчин Сербийг зорьж, гурван медальтай эх орондоо ирж байна.