Австралийн Квинсланд мужид нүүрлэсэн үерийн улмаас 100,000 гаруй үхэр, хонь үхэж, сураггүй алга болсон байна. АВС телевиз урьдчилсан дүнгээр 105348 үхэр үерт урсаж сураггүй болсон тухай мэдээлсэн юм. Мөн үерийн улмаас 3100 км орчим хашаа, 7000 км хувийн зам талбай эвдэрсэн аж.

Тус улсын цаг уурын товчооны ахлах цаг уурч Дин Наррамор, Пүрэв гараг гэхэд Квинсландын төв болон баруун өмнөд хэсэгт дахин бороо орох төлөвтэй байгааг хэлсэн юм. Мөн тэрээр  хэдэн долоо хоногийн турш үерт автах эрсдэлтэй байгааг мэдэгдэсэн.

Квинсландын Ерөнхий сайд Дэвид Крисафулли Адавале хотын 28 оршин суугчтай уулзаж тэднийг Буллоо голын дагуу 85 км-ийн зайд нүүлгэн шилжүүлснээ мэдээлсэн  байна.