Бүгд Найрамдах Хятад Ард Улсад зорчиж буй иргэд гадаад паспорт, мөнгө зэрэг хувийн эд зүйлсээ гээгдүүлэх, олон нийтийн тээврийн хэрэгсэлд мартах тохиолдлууд гарч байна.

Энэ нь зочид буудалд захиалга өгөх боломжгүй болох, нислэгээ цуцлах, тус улсын хилээр гарах зөвшөөрөл хүсэж 5-7 хоног хүлээх зэрэг хүндрэлтэй асуудлуудыг бий болгодог. 

Иймд сэрэмжтэй, хянамгай байхыг Монгол Улсаас БНХАУ-д суугаа Элчин сайдын яамнаас анхаарууллаа.

Бичиг баримтаа гээгдүүлсэн тохиолдолд Монгол улсаас БНХАУ-д суугаа Элчин сайдын яамны шуурхай утас +8617600787323, +86(10)65321203 болон beijing@mfa.gov.mn, beijing.consul@mfa.gov.mn зэрэг цахим хуудсаар холбогдоно уу.