Иргэн Р.Шинэгэрэл Хувь хүний орлогын албан татварыг 10 хувь байгааг 1 хувь болгон бууруулах олон нийтийн нээлттэй өргөдөл санаачилж, үүнд 100 мянган хүн нэгдсэн билээ. Тэгвэл уг асуудлыг УИХ хүлээн авч, Төсвийн байнгын хороонд шилжүүлсэн байна.

Энэ талаар УИХ-ын дарга Д.Амарбаясгалан "Иргэн Р.Шинэгэрэл ХХОАТ-ыг нэг хувь болгон бууруулах нийтийн өргөдлийг гуравдугаар сарын 20-нд нийтэлж, дөрөвдүгээр сарын 1-нд 100 мянган хүн санал өгсөн. Тиймээс нийтийн өргөдөлд дурдсан асуудлыг хэлэлцэж, шийдвэрлүүлэхээр байнгын хорооны эрхлэх асуудлын хүрээний дагуу Төсвийн байнгын хороонд хуваарилж байна" гэлээ.