Ховд аймгийн Жаргалант суманд 17-ны 16.50 цагийн орчимд “Чандмань уушир” ХХК-ийн барьж байсан 40 айлын орон сууцны 4 давхраас 11 хүн тороос тасарснаас үүдэн өргөгч төхөөрөмжтэйгээ унасан байна.

Үүнээс 3 иргэн газар дээрээ нас барж, 8 иргэн гэмтэн эмчлүүлж байна. Эмчлүүлж буй иргэдээс гурван иргэний бие хүнд байгаа талаар ЦЕГ-ын Урьдчилан сэргийлэх газрын ХМОНХХ-ийн Чиглэлийн ахлах мэргэжилтэн, цагдаагийн хошууч С.Баярбилэг мэдээллээ.

Ийнхүү Ховд аймгийн цагдаагийн газар мөрдөн шалгах ажиллагааг эхлүүлсэн байна. Шалгалтын явцад тогтоогдсон нөхцөл байдлаас хамаараад холбогдох дүгнэлтийг мэргэжлийн байгууллагууд гаргана гэв.