БНСУ-ын алдарт соло дуучин Ailee-гийн жинхэнэ нэрийг Amy Lee гэдэг  бол Солонгос нэрийг нь Lee YeJin гэдэг аж. Тэрбээр АНУ-ын Колорадо мужийн Денвер хотод 1989 оны 5 сарын 30-нд төрж, New Jersey-д өсжээ. Ailee энэ жил 36 нас хүрч байна.

Нийтлэлийг зургаар үзэх бол энд дарна уу.

Youtube сувгаар эхэлсэн түүх

• Ailee БНСУ-ын зах зээл дээр дебютээ хийхээс өмнө New York болон New Jersey-д харьяалалтай Muzo Entertainment агентлагтай гэрээ байгуулж байжээ. 
• Уг энтертайнментын дор хэд хэдэн уран бүтээлчидтэй хамтран ажилласан байдаг. 
• Ийнхүү БНСУ-руу нүүхээсээ өмнө Youtube платформ дээр "mzamyx3" болон "aileemusic" сувгуудыг нээн, дуулж буй бичлэгээ байршуулж байв. 
• Тэрбээр 2010 онд БНСУ-руу нүүн, сонгон шалгаруулалтуудад оролцож, Big Mama-гийн "Resignation" дууг дуулж, YMC энтертайнментад тэнцжээ.

Гялалзсан амжилт дагуулсан 2012 он

• Ailee 2012 оны 2 сарын 9-нд өөрийн анхны Heaven нэртэй клипээ гаргасан бөгөөд уг клипэнд 2-р үеийн алдарт BEAST хамтлагийн дуучин Gi Kwang тоглож байв.
• Уг дуу нь тухайн жилдээ Cyworld Digital Music Awards-аас “2-р сарын шилдэг дуу” шагналыг авч, “Шилдэг шинэ залуу артист”-аар шалгаруулсан юм. 
• Түүнчлэн тухайн оныхоо 10-р сарын 16-нд "I Will Show You" дуугаа багтаасан Invitation нэртэй анхны цомгоо гаргасан байдаг.
• 2012 онд Ailee Seoul Music Awards, Melon Music Awards, Mnet Asian Music Awards, Golden Disk Awards зэргээс “Шилдэг шинэ уран бүтээлч”-ийн шагналыг хүртэж, Gaon Chart Music Awards-аас “Шинэ эмэгтэй соло уран бүтээлч”-ийн шагналыг хүртжээ.
• Тэрээр мөн 55 дахь Грэмми шагнал гардуулах ёслолын өмнөх шоуны үеэр Mnet America-аас гардуулсан тусгай шагнал болох “Mnet America Rising Star Award”-ыг хүртсэн байдаг. 

Тасралтгүй үргэлжлэх амжилт

• 2013 оны 7-р сарын 12-нд Ailee хоёр дахь мини цомгоо “A's Doll House” нэртэйгээр гаргасан.
• Гол дуу болох "U&I" нь цомог гарснаас хойш ердөө дөрвөн цагийн дотор олон хөгжмийн чартыг тэргүүлсэн байдаг.
• Мөн 2013 оны 11-р сарын 6-нд Японы “Warner Music Japan” компанитай хамтран "Heaven" болон "Starlight" дуунуудын япон хувилбараар Японд албан ёсны дебютээ хийжээ.
• Түүний 2014 онд гаргасан  гурав дахь мини цомогт багтсан "Don't Touch Me" нь мөн адил олон чартыг тэргүүлж, 2015 оны Golden Disc Awards-аас "Digital Bonsang" шагнал хүртэж байв.

Queen of Drama OST

Ailee “Dream High 2”, “You Are My Destiny”, “Goblin”, “Memories of the Alhambra”, “Start-Up” зэрэг 30 орчим киноны дууг дуулсан байдаг. Тэдгээрээс дурдвал:

• "I Will Go to You Like the First Snow" - Goblin: The Lonely and Great God
• "Goodbye My Love" -  You Are My Destiny
• "Superstar" - Dream High 2
• "Is You" - Memories of the Alhambra 

Түүний амжилтыг товчилъё

Ailee-гийн амжилтыг дурдаад байвал энэ материал дуусахгүй учир авсан шагналуудыг нь товч дурдъя.

• Mnet Asian Music Awars /MAMA/-аас 4 жил дараалан “Best Vocal Performance - Female” шагналыг “U&I”, “Singing got better”, “Mind Your Own Business”, “If You” дуугаараа авсан.
• Melon Music Awards, Seoul Music Awards, Korea Cable TV Awards, Seoul International Drama Awards-аас Goblin киноны дуу “I will go to you like the first snow” дуугаар “Шилдэг киноны дуу” шагналыг авсан. 
• Golden Disc Awards-аас 2014, 2015, 2017 онд, Seoul Music Awards-аас 2013, 2014, 2017 онд тус бүр гол шагнал болох “Bonsang”-г авчээ.

Сарын өмнөх хурим

• Ailee өөрөөсөө 3 насаар дүү жүжигчин Choi Si-Hun-тэй 2025 оны 4 сарын 20-нд хуримаа хийжээ. 
• Хосууд сарын өмнө л хуримаа хийсэн болохоос биш өнгөрсөн жилийн буюу 2024 оны 8 сард гэрлэлтээ бүртгүүлсэн гэдэг. 
• Түүний нөхөр Choi Si-Hun нь Netflix-ийн “Single’s Inferno” шоуны нэгдүгээр улиралд оролцож байсан билээ. 
• Хосууд танилаар дамжуулан танилцсан бөгөөд жил гаруйн хугацаанд үерхсэн байна.