MCS группийн захирлуудын Зөвлөлийн дарга Ж.Оджаргал сэтгүүлчдэд мэдээлэл өглөө.

“Ухаа худагаа авъя” жагсаалын талаар

• Ухаа худаг гэдэг стратегийн орд байдаггүй. Таван толгойн бүлэг ордын 96 хувийг бид хууль ёсны дагуу буюу 50 хувийг төрд өгөх ёстой ч давуулан биелүүлж, 96 хувийг нь өгсөн. Ухаа худаг бол үлдсэн дөрвөн хувийн лиценз.
• Ухаа худаг лицензэд үйл ажиллагаа эрхэлж, тэрбум орчим төгрөгийн хөрөнгө оруулалт хийсэн. Үүнийг дагаад говийг бүсэд авто зам, баяжуулах үйлдвэр, цахилгаан станц, сургууль, цэцэрлэг гэх мэт нийгмийн бүтээн байгуулалт хийсээр байна.
• 2024 оны эцсийн нийт дүнгээс харахад 15 жилийн хугацаанд улсын төсөвт ойролцоогоор 2.6 их наяд төгрөг өгсөн. Энэ нь Үндсэн хуульд заасан байгалийн баялгийн 50 ба түүнээс дээш хувийн өгөөжийг ард түмэн хүртэнэ гэсэн заалтын биелэл болж, Ухаа худаг уурхайн 70 хувийг ард иргэдэд өгсөн гэсэн тайлан гарсан байгаа.

Засгийн газартай зөвшилцөх талаар

• Байгалийн баялагийн татвар ард иргэдэд зохистой байдлаар хүрдэг, төсөвт сайн төвлөрдөг байх ёстой.
• Хулгай хийдэггүй, ард түмнийхээ төлөө зөв зүйл хийдэг нэр дэвшигчдэд хуулийн дагуу хандив өгч байсан. Бид хандив өгсөн гишүүдээс юм гуйж үзээгүй, гуйх ч үгүй. Өнгөрсөн хугацаанд биднийг хэлэлцээрт уриагүй. Бид хэлэлцээрийн ширээний ард суухад бэлэн байна.