Байр суурь: Б.Энхбаяр гишүүний ноцтой мэдэгдлийн араас хэн, юу хэлэв
Хууль зүй, дотоод хэргийн сайд асан, одоогийн УИХ-ын гишүүн Б.Энхбаяр өчигдөр /2025.09.25/ NTV телевизийн Лхагвын тойм нэвтрүүлгийн 62 дахь дугаарт оролцсон. Тухайн нэвтрүүлэгт Д.Амарбаясгалан болон Л.Оюун-Эрдэнэ нарын талаар ноцтой мэдээллүүдийг ярьсан юм. Тэгвэл уг нэвтрүүлгийн дараа хэн ямар байр суурьтай байгааг хүргэж байна.
Graph.mn
Б.Энхбаярын дурдсан ноцтой мэдээллүүд
Эсрэг
Дэмжсэн
2025-09-25
УИХ-ын дэд дарга Х.Булгантуяа
Б.Энхбаяр гишүүнд баримт байгаа бол өнөөдрийг хүртэл гаргаж ирэх зөндөө л боломж байсан шүү дээ. Хардаж болно… МАН-ын даргын сонгууль угтаж улс төр хийж болохгүй.
“Hero” энтертайнментын захирал Б.Баатар
Хууль зүйн сайд байсан хүн би бодохдоо гэж баримтгүй гүтгэлэг хийсэнд харамсаж байна. Тэрээр хуулийн өмнө ярьсан зүйлээ нотлохыг хүсье. Тиймээс шүүхэд хандаж байгаагаа үүгээр илэрхийлж байна.
АН-ын гишүүн Ц.Уянга
Б.Энхбаяр, олон жил улс төрөөр явж санаа суусан Ардын намын бүтээгдэхүүн, мэргэжлийн хуульч. Тэгэхээр хий гаргана л гэж байхгүй. Ярихаасаа өмнө бүх баримтаа олоод, шалгаад, нийлүүлээд, баталгаажуулсан л гэсэн үг.
Эдийн засгийн ухааны доктор Р.Даваадорж
Төрөлхийн донгио хүн ойлгохоор баримттай юутай нь ярив. Монгол улсын хөгжлийг ирээдүйд гацаагаад зогсохгүй ноцтой хорлосон олон зүйлийг хийсэн байх магадлалтай олон баримтууд дэлгэгдлээ!
"Алтан тариа" ХХК-ийн гүйцэтгэх захирал П.Цэнгүүн
Хамгийн хүчтэй сөрөг хүчин ажиллаж эхэллээ. Б.Энхбаяр гишүүнд баяр хүргэе.
Tovch.mn сайтын эрхлэгч Т.Оюумаа
Бохир улс төрөө зүгээр ч хийчихгүй, мөрөөрөө яваа хэвлэл рүү дайрч, гүтгэж дээрэлхэж амыг нь барьж болдог гэж бодвол эндүүрэл шүү. Яасан муухай өстэй хүн бэ..!
Тоймч Т.Болд
жэнко+данк+амарбаясгалан+херо+амундра нар 1 бүлэглэл, 1 түрийвчтэй, “Нүүрсний хулгай-1,2” зохион байгуулагчид мөн ажээ. Баярлалаа Баттөмөрийн Энхбаяр гишүүнээ
ЗГХЭГ-ын тэргүүн дэд дарга Д.Мөнх-Эрдэнэ
Б.Энхбаяр худлаа ярихгүй гэдэгт 100 хувь итгэж байна.
ХҮН намын Нийслэлийн намын хорооны дарга Э.Золзаяа
Өөр хоорондоо өстөн мэт дайсагналцаж, нэгнээ барьж хорьж, хуваагдан хорлогдох бүрд нь бусад намуудад хүч дэм өгч, төрийг цомхотгох, төсвийг бууруулах ажлаа хэрэгжүүлэх хэрэгтэй. Тэгж байж МАН суларч, нэг намын дарангуйллаас холдоно. Алалцаад бай.
УИХ-ын гишүүн асан Л.Гүндалай
Хулгай, луйвар нь илэрчих гээд хоорондоо үзэлцэж байна гэж би эрт хэлсэн дээ.
УИХ-ын дарга Д.Амарбаясгалан
МАН-ын хагарлыг Я.Содбаатар, Ж.Энхбаяр, Б.Энхбаяр, Б.Батцэцэг тэргүүтэй хов зөөж амиа зогоодог хүмүүс бий болгосон. Б.Энхбаярын хоёр байтугай 20 нүүрийг удахгүй харах болно.
Сэтгэгдэл үлдээх