Hopper HQ онлайн веб сайт “Instagram Rich LIst 2024” судалгаагаараа нэг удаагийн инстаграмм постоороо хамгийн өндөр үнэлгээтэй алдартнуудыг тодруулжээ. Эдгээрээс хамгийн өндөр үнэлгээтэй таван алдартныг онцолж байна.

Hopper HQ нь Instagram, TikTok, Facebook гэх мэт олон нийтийн сүлжээнд постоо урьдчилан төлөвлөх, цагийг нь тохируулах, багтайгаа хамтран ажиллах зэрэгт зориулан төлөвлөгөө боловсруулдаг онлайн веб сайт юм.

1. Cristiano Ronaldo- Португал улсаас гаралтай алдарт хөл бөмбөгийн тамирчин бөгөөд инстаграмм дээр 665 сая дагагчтай. Түүний нэг удаа зар сурталчилгааны пост оруулах үнэлгээ $3432000 юм. Энэ нь ойролцоогоор 12 тэрбум төгрөг юм. 
2. Lionel Messi- Аргентина улсын хөл бөмбөгийн тамирчин Lionel Messi нь инстаграмм дээр 506 сая дагагчтай бөгөөд түүний зар сурталчилгаа оруулах үнэлгээ $2731000 юм. Энэ нь ойролцоогоор 10 тэрбум төгрөг.
3. Selena Gomez- Холливудын дуучин, жүжигчин тэрээр инстаграмм дээр 417 сая дагагчтай бөгөөд зар сурталчилгаа оруулах үнэлгээ нь $2560000 юм. Энэ нь ойролцоогоор есөн тэрбум төгрөг юм.
4. Kylie Jenner- АНУ-ын алдартай реалити шоу(Keeping Up with the Kardashians)-ны од, бизнесмен юм. Тэрээр инстаграмм дээр 392 сая дагагчтай бөгөөд $2395000-ын үнэлгээгээр зар сурталчилгаа байршуулдаг. Энэ нь ойролцоогоор найман тэрбум төгрөг юм.
5. Dwayne Johnson-  “The Rock” хочоор олонд танигдсан Америкийн алдарт жүжигчин бөгөөд инстаграмм дээр 392 сая дагагчтай. Тэрээр $2382000-р үнэлэгддэг. Энэ нь ойролцоогоор 8.5 тэрбум төгрөг юм.