Яг нэг сар гурван хоногийн хугацааны дараа УИХ даргатай боллоо. МАН-ын дарга Н.Учралыг УИХ-ын даргаар томилох санал хураалтад 97 гишүүн оролцож 80 гишүүн дэмжин 82.5 хувийн саналаар УИХ-ын даргаар томилсон. Санал хураалтын өмнө Ардчилсан намын Х.Тэмүүжин нарын гишүүд намын дарга УИХ-ын дарга хийх ёсгүй гэх хуулийн төсөл өргөн барьсан ч УИХ-ын тамгын газраас хүлээж аваагүй гэдгийг УИХ-ын гишүүн Ч.Лодойсамбуу хэлж байлаа. Ингээд нийт гишүүдийн олонх бүрдэж санал хураалт явуулснаар намын Удирдах зөвлөлөөр 100 хувь дэмжигдсэн Н.Учрал чуулганыг ч гэсэн ногоон гэрлээр давж УИХ-ын даргаар томилогдлоо. Түүний томилгооны араас Ардчилсан намын дарга О.Цогтгэрэл томилогдохоос нь өмнө өргөн барьж чадаагүй хуулийн төсөл болох намын дарга УИХ-ын дарга байж болохгүй гэсэн хуулийн төслийг хүлээж аваад хэлэлцүүлэхийг санал болголоо. Ингээд Төрийн үйл ажиллагаа жигдэрч, бүтэц бүрэлдэхүүн бөглөрч улсынхаа зовлонг анхаарахад бэлэн болж байна. 

Н.Учралын ажилласан байдал: 

2007-2008 онд

Их засаг олон улсын их сургуулийн ТУЗ-ийн дэд дарга

2010-2016 онд

Рояаль Академи, Рояаль олон улсын дээд сургуулийн үүсгэн байгуулагч, ерөнхий захирал

2012-2014 онд

Нийслэлийн Монгол ардын намын хорооны улс төрийн хэлтсийн дарга

2015 онд

Засгийн газрын Хэрэг эрхлэх газарт Монгол улсын Шадар сайдын ажлын алба, Шадар сайдын олон нийттэй харилцах бодлогын зөвлөх

2016 онд

Улсын Их Хурал дахь Монгол ардын намын бүлгийн зөвлөх

2010 оноос

Монголын Франчайзингийн Ассоциацийн ерөнхийлөгч

2015 оноос

НАМЗХ-ны дэд ерөнхийлөгч

2015 оноос

Монголын залуу багш нарын холбооны ерөнхийлөгч

2019 оноос

НАМЗХ-ны ерөнхийлөгч

2016-2020 онд

Монгол Улсын Их Хурлын гишүүн

2018-2020 онд

Цахим бодлогын түр хорооны дарга

2020-2024 онд

Монгол Улсын Их Хурлын гишүүн

2020-2022 онд

Монгол Улсын Их хурлын Инновац, цахим бодлогын байнгын хорооны дарга

2022-2024 онд

Монгол Улсын Засгийн газрын гишүүн-Цахим хөгжил, харилцаа холбооны сайд

2024 оноос

Монгол Улсын Их Хурлын гишүүн

2024-2025 онд

Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын дарга

2025 оноос

Монгол Улсын Засгийн газрын гишүүн, Монгол Улсын Тэргүүн шадар сайд бөгөөд Эдийн засаг, хөгжлийн сайд

2025 оноос

Монгол Улсын Их Хурлын дарга