2026 оны босгон дээр Монголын үндэсний брэнд Эдений шинэчлэлийг Солонгосын хэвлэл мэдээлэл онцлон, шуугьж эхэллээ. Европын загварын нийслэл Италийн Миланд төвтэй, соёл урлаг, high-fashion чиг хандлагыг тодорхойлогч нэр хүндтэй “Pap Magazine”-ийн Солонгос дахь салбар агентлаг Эден брэндийн шинэчлэлийг онцлон нийтэлжээ. Зөвхөн дэлхийн шилдэг брэндүүдийг сонгон нийтэлдэг тус сэтгүүл Эденийг онцолсон нь Монгол брэнд дэлхийн шилдгүүдийн эгнээнд орсны баталгаа юм. Мөн Эден премиум зэрэглэлийн цагаан архийг БНСУ-ын GS25 салбарууд болон Wine25+ аппликейшнд борлуулагдаж эхэлсэн нь тэдний хэрэглээнд ойртон, чанарыг нь үнэлэх боломж болсон гэж харж байна.

Яагаад Эден брэнд гэж?

АПУ ХК нь 2016 оноос эхлэн премиум зэрэглэлийн Эден брэндийг зах зээлд амжилттай нэвтрүүлсэн ба хэрэглэгчдийн дунд хамгийн нэр хүндтэй брэндүүдийн нэг болсон. Үүнээс хойш 2020 онд гадаадын зах зээлд худалдаалагдаж эхэлсэн түүхэн амжилтуудын эзэн болж дэлхийд үнэлэгдсэн үндэсний тэргүүлэгч брэнд юм.

“Эден” брэнд нь 10 жилийнхээ ойг тохиолдуулан дэлхийд нэр хүндтэй Hennesy, Campari зэрэг брэндүүдтэй хамтран ажилладаг Парист төвтэй “Appartement 103” агентлагтай бүтэн жилийн хугацаанд сэтгэл зүрхээ зориулан ребрэндинг хийж, өөрийн онцгой iconic дизайныг модерн минималист хэв маягтай болгон шинэчилсэн. Ингэснээр орчин үеийн трендтэй нийцсэн, тансаг атлаа даруухан өнгө төрхийг бүрдүүлсэн. Энэ бол зүгээр нэг шинэчлэл биш. Эден брэнд дэлхийн шилдгүүдийн эгнээнд орсны баталгаа юм. Мөн АПУ ХК нь ОХУ, БНХАУ, Солонгос, Франц, Итали, Швейцар, Герман зэрэг улсуудад экспортоор бүтээгдэхүүнээ амжилттай гаргаж байгаа бөгөөд туршилтын байдлаар Сингапур, Япон, Болгар, Ирак зэрэг улсуудад борлуулалт хийн ажиллаж байна.

Сүүлийн 3 жилийн байдлаар экспортын борлуулалт 75%-р өссөн буюу жилийн дундаж өсөлт 20% байгаа юм. Эдгээр амжилтууд нь АПУ ХК-ийн бүтээгдэхүүнийг олон улсад хэрхэн үнэлэгдэж, дэлхийн стандартыг ханган хүрээгээ тэлж буйн илэрхийлэл гэж харж байна. Ирж буй “Гал морин” жилийн сар шинийн баяраар дэлхийн зах зээлийг байлдан дагуулж буй Эден брэндээр баярын ширээгээ чимж, чанар стандарт гоо зүйн төгс зохицлоор эрхэм зочдоо угтах боломжтой боллоо.