ХVII жарны “ Сүрээр дарагч” хэмээх Гал морин жилийн цагаан сарын баярыг тохиолдуулан эрхэлсэн ажилдаа амжилт гаргасан хүмүүст Монгол Улсын Ерөнхийлөгч У.Хүрэлсүх төрийн дээд цол одон, медаль гардууллаа. Монгол угсаатны хэл хуурчдын холбооны тэргүүн Б.Нарандэлгэр буюу бидний сайн мэдэхээр хөөмийн урлагийг битбокстой хослуулан урладаг Рэй “Алтангадас” одонгоор

• Үндэсний бөхийн нэрт тайлбарлагч, барилдааныг сонирхолтойгоор мэргэжлийн түвшинд тайлбарладаг байсан О.Батмөнх тайлбарлагчдын дундаас гурав дахь Монгол Улсын Соёлын гавьяат зүтгэлтэн боллоо.
• Бидний зүрхэнд мөнхөрсөн “Хангал зээрд морь” хэмээх дууг гайхалтай амилуулж дуулсан “Түмэн эх” чуулгын гоцлол дуучин С.Нэргүй МУГЖ цолоор,
• 2018 оны ДАШТ-ий хүрэл медальт, Ази тивийн хошой хүрэл медальт чөлөөт бөхийн тамирчин Т.Түвшинтулга МУГТ цолоор,
• Олон улс, улс төр судлаач П.Мягмардорж Хөдөлмөрийн гавьяаны улаан тугийн одонгоор,
• “Увертюра” хамтлагийн ахлагч Г.Пүрэвдагва “Алтангадас” одонгоор тус тус сар шинийн босгон дээр шагнагдлаа.