БНФУ-ын Ерөнхийлөгч Эммануэль Макрон “Nuclear Energy Summit”-ийн үеэр Европын орнууд ураны нийлүүлэлтээр ОХУ-аас хамааралтай байдлыг бууруулахын тулд Казахстан, Узбекистан, Монгол, Канад, Австрали зэрэг ураны салбараа нээсэн бусад орнуудаар нийлүүлэлтээ төрөлжүүлэх шаардлага байгааг онцоллоо. 

Макрон,

• “Саяхан активистууд бидний Оросоос хамааралтай байдлыг хадгалсаар байгааг шүүмжилж байсан. Ураны нийлүүлэлтийн хувьд тэр нь ч үнэн. ОХУ дэлхийн ураны олборлолтын 40 хангаж байгааг түрүүн дурдсан. Уран олборлодог бусад орнууд энд цугларсан байгааг дурдахад таатай байна. Жишээ нь ураны салбараа нээсэн Монгол, Казахстан энд байна. Мөн ураны нөөцтэй бусад орнууд ч байна. Иймээс бид нийлүүлэлтийн эх үүсвэрээ төрөлжүүлэх асуудлыг шийдэж, урагшлуулахын тулд олон улсын түвшинд эдгээр улсуудтай хамтран ажиллах шаардлагатай байна” гэлээ. 

“Nuclear Energy Summit” нь дэлхийн улс орнуудын удирдагч, эрчим хүчний сайд, шинжээчдийн цугларч, цөмийн эрчим хүчийг хэрхэн ашиглах, хөгжүүлэх, аюулгүй байлгах талаар хэлэлцдэг олон улсын дээд хэмжээний уулзалт юм.