Лос Анжелос хотноо 96 дахь Академийн наадам болж, шилдгүүд Оскарын шагналаа гардан авлаа.  

Oppenheimer

Шилдэг кино. Уг кино нь 96 дахь Академийн наадмаас долоон Оскарын шагнал хүртэж шилдэг киногоор тодорлоо. 

War is over

Шилдэг богино хэмжээний анимейшн. Зохиолыг The Beatles хамтлагийн John Lennon-ий хүү Sean Lennon болон Dave Mullins нар бичиж, мөн Dave Mullins  найруулжээ.

The Boy and the Heron

Шилдэг анимейшн. Энэхүү анимейшнаар Хаяо Миязакигийн хоёр дахь Оскараа хүртэж байна. 

Anatomy of Fall

Шилдэг эх зохиол. Нөхрийнхөө үхлийн хэрэгт буруутгагдсан нэгэн бүсгүйг буруугүй хэмээн нотлох хүн түүний сохор хүү л байв. 

American Fiction

Шилдэг сэдэвлэсэн зохиол. 

Poor Things

Тэд шилдэг нүүр будалт болон үс засалт, шилдэг зураач, шилдэг хувцас дизайн хэмээх гурван төрөлд Оскар хүртлээ. 

Godzilla Minus One

96 дахь удаагийн Академийн наадмын шилдэг визуал эффект. 

Oppenheimer

Тэд шилдэг эвлүүлэг, шилдэг зураг авалт, шилдэг хөгжмийн зохиолч хэмээх гурван төрөлд Оскар хүртлээ. 

The Last Repair Shop

96 дахь удаагийн Академийн наадмын шилдэг богино хэмжээний баримтат кино. 

20 Days Mariupol

Шилдэг бүрэн хэмжээний баримтат кино. Орос-Укрианы дайн эхлэх үед Мариуполь хотод байсан Украины сэтгүүлчдийн багийн бүтээсэн кино юм. Украин улс ийнхүү анхын Оскараа хүртлээ. Шагнал гардуулах үеэр кино багийнхан "Бид энэ киног хийгээгүй ч болоосой. Хэрэв дайн болоогүй бол, Орос Украин руу дайраагүй бол энэ киног хийхгүй байх байсан. Энэ бүхэн болоогүй ч болоосой. Гэхдээ өнгөрсөн бол өнгөрсөн. Кино бол ой санамж. Ой санамж бол түүх юм" хэмээн хэлсэн нь олон хүний сэтгэлд хүрлээ. 

The Zone of Interest 

96 дахь удаагийн Академийн наадмын шилдэг дууны найруулга. 

The Wonderful Story of Henry Sugar

96 дахь удаагийн Академийн наадмын шилдэг богино хэмжээний кино.

Хэн хэн “Оскар” хүртэв

Christopher Nolan

Шилдэг кино найруулагч. Тэрээр Академийн наадамд найман удаа нэр дэвшиж, “Oppenheimer” киноныхоо найруулгаар анх удаа Оскарын шагнал хүртлээ.

Cillian Murphy

Шилдэг эрэгтэй гол дүрийн жүжигчин. Тэрээр анх удаа Академийн наадамд анх удаа нэр дэвшиж, “Oppenheimer” кинонд бүтээсэн “Robert Oppenheimer”-ийн дүрээр “Оскар хүртлээ. 

Emma Stone

Шилдэг эмэгтэй гол дүрийн жүжигчин. Тэрээр таван удаа Академийн наадамд нэр дэвшиж, хоёр дахь Оскараа “Poor Things” кинонд бүтээсэн “Bella Baxter”-ийн дүрээр хүртлээ. 

Robert Downey Junior

Шилдэг туслах дүрийн эрэгтэй жүжигчин. Тэрээр “Oppenheimer” кинонд АНУ-ын Цөмийн энергийн комиссын гишүүн Льюис Штрауссын дүрийг бүтээсэн юм. 

Da'Vine Joy Randolph

Шилдэг туслах дүрийн эмэгтэй жүжигчин. Тэрээр "The Holdovers" кинонд Mary Lamb хэмээх дүрийг бүтээжээ. 

Billie Eilish

"Barbie” киноны "What was I made for" дуугаар Оскар хүртлээ. Ийнхүү тэрээр 23 насандаа хоёр дахь Оскараа хүртэв.