Олон улсад улсад үүсээд буй дайны шинжтэй үйл явдлын дотоод нөлөөллийг бууруулах хүрээнд Засгийн газраас Тусгай хууль боловсруулан өргөн барихаар бэлтгэж байгаа талаар Эдийн засаг, хөгжлийн сайд Ж.Энхбаяр мэдэгдээд байгаа юм.

Тус хуулийн төсөлд тусгагдсан гол асуудал бол төсвийн зарлагыг эрэмбэлж, шаардлагатай тохиолдолд хэрэгжиж эхлээгүй төсөл, арга хэмжээг зогсоох тухай юм.

Улмаар эрчим хүчний 12 томоохон төслийг нэн тэргүүнд хэрэгжүүлнэ гэв.

Эдгээр төслүүд нь өсөн нэмэгдэж буй цахилгааны хэрэглээг хангах, системийн найдвартай байдлыг сайжруулах, импортоос хараат байдлыг бууруулах зорилготой юм.

Танилцуулгад дурдсанаар 2026 онд 4 төсөл эхлүүлэн 764.04 МВт-ын шинэ эх үүсвэр нэмэгдүүлэх аж.

Хэрэгжүүлэхээр төлөвлөсөн 12 төсөл:

1. Бөөрөлжүүтийн 300 МВт-ын цахилгаан станц
2. Эрдэнэбүрэнгийн усан цахилгаан станц
3. Тавантолгойн дулааны цахилгаан станц
4. Амгалан дулааны цахилгаан станцын өргөтгөл
5. Дулааны III цахилгаан станцын шинэчлэл
6. Дулааны IV цахилгаан станцын өргөтгөл
7. Чойбалсангийн дулааны цахилгаан станцын өргөтгөл
8. Сэргээгдэх эрчим хүчний (салхи, нар) төслүүд
9. Импортын эрчим хүчийг орлох дотоод эх үүсвэрүүд
10. Баруун бүсийн эрчим хүчний эх үүсвэр
11. Төвийн бүсийн дамжуулах сүлжээний шинэчлэл
12. Улаанбаатар хотын дулаан, цахилгааны дэд бүтцийн шинэчлэл

Одоогийн байдлаар Монгол Улсын эрчим хүчний хэрэглээ 1,800 МВт орчим байгаа бол оргил ачааллын үед дутагдал үүсдэг. Харин дээрх төслүүд хэрэгжсэнээр:

• Эрчим хүчний хангамжийн найдвартай байдал сайжирна
• Оргил ачааллын дутагдал буурна
• Импортын цахилгааны хамаарал багасна
• Сэргээгдэх эрчим хүчний эзлэх хувь нэмэгдэнэ

Мөн 2030 он хүртэл хэрэгжүүлэх дараагийн шатны төслүүдийн хүрээнд +2,429 МВт-ын хүчин чадал шинээр бий болгохоор төлөвлөжээ.

Эрчим хүчний салбарын эдгээр томоохон хөрөнгө оруулалт нь эдийн засгийн өсөлтийг дэмжих, аж үйлдвэрийн хөгжлийг түргэтгэх суурь нөхцөлийг бүрдүүлэх чухал ач холбогдолтой гэж албаныхан онцоллоо.