Ерөнхий сайд “Туулаа хамгаалъя” хөдөлгөөнийхний албан бичигт хариу өгчээ. Туул голоо хамгаалъя гэсэн иргэд сүүлийн 20 орчим хоног өдөр бүр 12 цагаас тайван жагсаал хийж энэхүү Туулын хурдны замын ажлыг түр биш бүр зогсоохыг шаардаж байгаа. Тэд жагсахын хажуугаар Туул голыг хамгаалах үүрэг хүлээсэн төрийн бүх шатны байгууллагад албан бичгээр хандаад байгаа юм.

• Жишээ нь хамгийн эхэнд COP 17 хурлын эсрэг үйл ажиллагаа явуулж байгаа тухай албан бичгийг Гадаад харилцааны сайдад хүргүүлжээ. Энэ албан бичигт одоогоор хариулт ирээгүй.
• Мөн БОУАӨ-ийн яамны дэргэдэх эрдэмтдийн зөвлөлийн хурлын протоколыг авахыг шаарджээ. Энэ дагуу Байгаль орчны яам байгаль орчны төлөвлөгөө алга гэсэн хариу өгсөн бөгөөд түр хугацаанд төслийг зогсоогоод байна.
• Мөн АТГ-т хотын дарга Х.Нямбаатар албаны эрх мэдлээ урвуулах ашигласан хэмээн гомдол гаргасан бөгөөд энэ дагуу АТГ ажиллаж эхэлсэн ажээ.
• Мөн төрийн тэргүүн Монгол Улсын ерөнхийлөгч У. Хүрэлсүхэд “Таны тэрбум мод үндэсний хөдөлгөөний эсрэг үйлдлийг Хотын дарга түүний баг үйлдэж байгаа таслан зогсоохыг шаардсан” албан бичгийг тус тус хүргүүлжээ.

Тэгвэл албан бичгийн эхний хариу ЗГХЭГ-аас иржээ. Тус албан бичигт Албан шаардлагын дагуу Засгийн газраас Байгаль орчин уур амьсгалын өөрчлөлтийн яамандаа үүрэг өгч Туулын хурдны замын төслийг шалгахаар болжээ. Хэрэв хууль зөрчсөн нь тогтоогдвол тус төслийг зогсоох үндэслэл болж болзошгүй байна.