Монголын Хүний эрхийн Үндэсний Комиссоос жил бүр "Монгол Улсын хүний эрх, эрх чөлөөний байдлын талаарх илтгэл"-ийг УИХ-д тайлагнадаг билээ. Энэ удаад 25 дахь илтгэлээ тайлагналаа. 

Хүний эрхийн Үндэсний Комиссын 2025 оны тайлангаас онцлон хүргэж байна. 

Дундаж наслалт нэг насаар буурчээ.

• 2024 онд манай улсын дундаж наслалт 72.7 байсан бол 2025 оны цэсийн байдлаар нэг насаар буурч 71.7 болжээ. 

Нийт хүн амд 65-аас дээш насныхны эзлэх хувь нэмэгдэх төлөвтэй байна. 

• Өнгөрсөн оны байдлаар энэ хувь 4.2 гэж гарсан бол 2050 гэхэд 12 хувьд хүрэх төлөвтэй байгааг тооцоолжээ. Ингэснээр манай улс хүн амын "хөгшин насны бүтэц"-тэй улсын тоонд орохоор болжээ.

Нялхсын эндэгдэл нэмэгдэв.

•  2025 онд 1,000 амьд төрөлтөд 9 промиль болгох зорилт тавьсан ч 13.7 болж нэмэгдсэн байна. 

Хорт хавдрын 2/3 нь хожуу шатандаа оношлогдож байна.

Нийт нас барагсдын 39 хувийг агаарын бохирдлоос шалтгаалсан тархины цус харвалт, зүрхний шигдээс өвчний шалтгаант нас баралт эзэлж байна. 

Энэ удаагийн тайланд эрчүүдийн эрхийн асуудал хамгийн түгээмэл хөндөгджээ.

• Эрчүүдийн дундаж наслалт эмэгтэйчүүдээс 9.2 насаар бага байна. Эмэгтэйчүүдийн дундаж наслалт 77.1 бол эрчүүдийнх 67.9 байна.
• Огт гэрлээгүй малчин залуучууд 81%-ийг эзэлж байна. Үүнээс 18-35 насныхан 66 хувийг эзэлж байна.