Ерөнхийлөгч У.Хүрэлсүх БНКУ-д хийж буй төрийн айлчлалынхаа хүрээнд Астана хотноо Экологийн асуудлаар бүс нутгийн дээд түвшний уулзалтад оролцож байна. Энэхүү уулзалт энэ удаа “Тогтвортой ирээдүйн төлөөх хамтын алсын хараа” уриан дор зохион байгуулагдаж байгаа бөгөөд дэлхийн 90 гаруй улсын удирдагчид цуглан экологийн асуудлаар хуралдах юм.

Энэхүү арга хэмжээ нь Төв Азийн орнуудын экосистем, ус, газрын нөөцийг хамгаалах, нөхөн сэргээх, хамтран ашиглах, мөн биологийн олон янз байдлыг хадгалах цогц бодлогын хүрээ, практик хэрэгслийг боловсруулах зорилготой юм.

Дээд хэмжээний уулзалтын үндсэн хөтөлбөр нь дараах найман тэргүүлэх чиглэлд чиглэгджээ. 

1. Уур амьсгалын шилжилтийг дэмжих
2. Байгаль орчин, байгалийн эрсдэлд дасан зохицох, эдийн засгийн уян хатан байдал
3. Хүнсний аюулгүй байдал ба бүс нутгийн экосистем
4. Байгалийн нөөцийн тогтвортой менежмент
5. Агаарын бохирдол болон хог хаягдлын менежменттэй тэмцэх
6. Байгаль орчны зорилтуудыг хэрэгжүүлэх механизмууд
7. Шударга бөгөөд хүртээмжтэй шилжилт
8. Байгаль орчин ба дижитал чадамжууд