Орон нутгийн сонгуулийн санал хураалт аравдугаар сарын 11-нд явагдана
УИХ-ын чуулганаар “Аймаг, нийслэл, сум, дүүргийн ИТХ-ын 2024 оны ээлжит сонгуулийг товлон зарлах, санал авах өдрийг тогтоох тухай” УИХ-ын тогтоолын төслийг хэлэлцэв. Санал хураалтыг аравдугаар сарын 11-нд явуулах саналыг гишүүдийн олонх нь дэмжлээ.
Эсрэг
Дэмжсэн
2024-03-15
УИХ-ЫН ГИШҮҮН Б.ПҮРЭВДОРЖ:
"Энэ МАН-ын нөхдүүд сонгуулийг тав дахь өдөр хийдэг болчихлоо. Энэ бол улс төрийн тогтвортой байр суурьтай залуучуудыг сонгуульд оруулахгүй байх зорилготой. Энэ тав дахь өдөр модон хохимой өдөр байна.
УИХ-ЫН ДАРГА Г.ЗАНДАНШАТАР:
“Мал аж ахуй үйлдвэрлэлтэй холбоотойгоор орон нутгийн сонгууль үүнтэй уялдах ёстой л доо. Цаашдын шийдэл анхаарах нь зүйтэй.’
ЗТХ-ИЙН САЙД С.БЯМБАЦОГТ:
“Сайн заалтууд олон орж ирсэн байна. Үүнийгээ бид шийдэж оруулах ёстой. Орон нутгийн сонгуулийн тойргийг томсгох хүсэлт иргэдээс ирж байна. Одоо байгаа тогтолцоо сумандаа хэн нь их танилтай нь 200 хүний санал аваад л гарч байна.”
УИХ-ЫН ГИШҮҮН Н.ЭНХБОЛД:
“Одоогийн хууль ийм байгаа шүү дээ Ганбат гишүүнээ. Өөрчлөх гэсэн ч цуглаж өгөхгүй байсан учраас өөрчилж чадаагүй л хүчинтэй хэвээрээ байна.”
УИХ-ЫН ГИШҮҮН Д.ГАНБАТ:
“Сүүлийн үед олон түмнийг аль болох бага оролцуулах явуулга яваад байна. Туваан гишүүний ярьж байгаа зөв. Яагаад аравдугаар сарын 11-н гэж вэ? 30-н хавьцаа байж болохгүй юу? Утаа ч гараад ирнэ. Тэрийг харж байж сонголтоо хийх нь зөв.”
УИХ-ЫН ГИШҮҮН Н.ЭНХБОЛД:
“Тав дахь өдөр болохоор л залуучууд орохгүй юм шиг юм ярьж байгаа нь уриалаад байгаа ч юм шиг. Хэд дэхь өдөр болох нь хамаагүй, хөгшин залуу хамаагүй идэвхитэй оролцоорой гэж ярих нь зөв байх.”
УИХ-ЫН ГИШҮҮН Ц.ТУВААН:
“Энэ удаагийн сонгуулийн санал авах өдрийг гурав дахь өдөр болгож болох уу? Намар хүйт ордог, нүүдэл суудал болдог учир ирц багасдаг. Долоо хоногийн тав дахь өдөр таарахаар залуучууд оролцохгүй байх эрсдэлтэй.”
Сэтгэгдэл үлдээх