УИХ-ын баталсан 2024 оны Төсвийн тухай хуулийн дагуу энэ сараас төрийн албан хаагчдын цалин, тэтгэвэр, тэтгэмж дараах байдлаар нэмэгдэж байна. 

Төрийн албан хаагчдын цалин 

Төрийн нийтлэг үйлчилгээний ажиллагсдын цалинг 20 хувиар, бусдынх нь цалинг 10 хувиар нэмэгдүүлнэ. 

Хэрэв орон нутаг ажилладаг бол

• Суманд ажиллаж байгаа төрийн захиргааны болон үйлчилгээний бүх албан хаагч сар бүр үндсэн цалингийн 40 хувиар, 
• Аймгийн төв болон нийслэлийн алслагдсан гурван дүүрэгт ажиллаж байгаа төрийн албан хаагчдад 20 хувиар тус тус тооцож орон нутгийн нэмэгдэл олгоно. 
• Орон нутагт болон нийслэлийн алслагдсан гурван дүүрэгт тогтвор суурьшилтай ажиллаж байгаа ТЗ, ТМҮ-ний албан хаагчид таван жил тутамд нэг удаа зургаан сарын цалинтай тэнцэх хэмжээний тэтгэмж авна.

Тэтгэвэр

Нийтэд нь 100 мянган төгрөгөөр нэмнэ.

Тэтгэмж

Халамжийн тэтгэврийг 50 мянган төгрөгөөр, асаргааны тэтгэмжийг 10 хувиар нэмнэ. 

Энэхүү нэмэгдэл 802.8 мянган хүнд хүрнэ

• Нийт 225.2 мянган төрийн албан хаагч
• 499.2 мянган өндөр настан 
• Халамжийн тэтгэмж авдаг 65.6 мянган хүн
• Асаргааны тэтгэмж авдаг 12.8 мянган хүн 

Өмнө нь ямар байсан бэ

• Дундаж тэтгэврийн хэмжээ 685.6 мянга байсан бол 785.6 мянган төгрөг болгов.
• Хувь тэнцүүлсэн тэтгэврийн доод хэмжээ 440 мянган төгрөг байсан бол 540 мянган төгрөг болгов.
• Халамжийн тэтгэвэр 325 мянга байсныг 375 мянган төгрөг болгов. 
• Асаргааны тэтгэмжийг 275 мянга байсныг 302.5 мянган төгрөг болгов.