Нийслэлийн төвийн зургаан дүүрэгт үйл ажиллагаа явуулдаг сургууль, цэцэрлэг КОП-17 олон улсын хурал зохион байгуулагдаж байгаатай холбогдуулан 8-р сарын 17-ны өдрөөс 8-р сарын 28 хүртэл бэлтгэл ажлыг цахимаар явуулахаар болсон. Тухайн бүсэд 60 сургууль, 73 цэцэрлэг хамрагдаж байгаа юм байна. Цэцэрлэг, сургуульд шинээр бүртгүүлэх эсвэл шилжилт хөдөлгөөн хийх шаардлага гарвал цахимаар зохион байгуулахаар болжээ. Багш, ажилчид ч мөн адил энэ хугацаанд хичээлийн бэлтгэл болон бусад ажлыг цахимаар явуулахаар шийдвэрлэсэн байна. 

КОП-17 зохион байгуулах бүсэд:

• Баянгол дүүргээс 20 цэцэрлэг, 17 сургууль
• Баянзүрх дүүргээс 21 цэцэрлэг, 12 сургууль
• Сүхбаатар дүүргээс 7 цэцэрлэг, 7 сургууль
• Хан-Уул дүүргээс 20 сургууль, 19 цэцэрлэг
• Чингэлтэй дүүргээс 5 цэцэрлэг, 5 сургууль тус тус хамрагдаж байна.