Олон улсын жүдо бөхийн холбооноос Унгарын Будапешт хотод энэ сарын 11-13-ны өдрүүдэд “Их дуулга” тэмцээнийг зохион байгуулна. Энэ удаагийн тэмцээнд 70 орны жүдочид өрсөлдөхөөр болжээ. Тус тэмцэээнд манай улсаас 10 тамирчин оролцох юм.

Тухайлбал, эрэгтэйчүүдийн

• 60 кг-д Б.Бат-Энэрэл, Н.Мэндсайхан,
• 66 кг-д Ө.Бямбасүрэн, Ө.Жанцандорж
• 73 кг-д Л.Энхдөл, Л.Анхзаяа нар барилдах юм.

Эмэгтэйчүүдийн 

• 48 кг-д олимпын мөнгөн медальт, дэлхийн аварга, гавьяат тамирчин Б.Баасанхүү
• 52 кг-д Б.Уранзаяа
• 57 кг-д Л.Сосорбарам
• -78 кг-д О.Хүслэн нар зодоглохоор болжээ.

Баг тамирчдыг “Мон-Алтиус Цагаанбаатар” академийн дасгалжуулагч, олимпын хүрэл медальт, дэлхийн аварга, Хөдөлмөрийн баатар Х.Цагаанбаатар удирдаж байна.

Олимпын мөнгөн медальт, дэлхийн аварга Б.Баасанхүү Парисын олимпын наадмаас хойш түр завсарлага авсан юм. Тэрээр 2026 оны Улаанбаатарын “Их дуулга”-д барилдаж энэ оны тэмцээнээ эхлүүлнэ.