“Тэрбум мод” үндэсний хөдөлгөөний хүрээнд намрын мод тарих ажил есдүгээр сарын 27-ноос аравдугаар сарын 25-ныг дуустал үргэлжлэх юм.

Энэ хүрээнд иргэд, аж ахуйн нэгж, байгууллагуудын мод тарих оролцоог нэмэгдүүлэх, ажлын нөхцөлийг хөнгөвчлөх зорилгоор Ойн газраас дараах 8 байршилд модны нүх ухаж бэлтгэжээ. 

1. Баянзүрх дүүрэг, 28-р хороо — “IGM” цэцэрлэгт хүрээлэн

2. Баянзүрх дүүрэг, 26-р хороо — Үндэсний цэцэрлэгт хүрээлэн

3. Хан-Уул дүүрэг, 14-р хороо — Түргэний гол дагуух “Ногоон хэрэм” зурвас

4. Налайх дүүрэг, 7-р хороо — “Шинэ Налайх” цэцэрлэгт хүрээлэн

5. Баянгол дүүрэг, 20-р хороо — “Баянгол” цэцэрлэгт хүрээлэн

6. Сонгинохайрхан дүүрэг, 21-р хороо — “Инчон мөрөөдлийн төгөл”

7. Хан-Уул дүүрэг, 14-р хороо — Айцын ам

8. Баянзүрх дүүрэг, 20-р хороо — Гачууртын зам-1, “УБЗАА – Мод үржүүлгийн газар”

Ийнхүү нүхийг урьдчилан бэлтгэснээр:

- Мод тарих ажлыг хөнгөвчилнө

- Хөдөлмөр, цаг хугацааг хэмнэнэ

- Олон модыг богино хугацаанд тарих боломж бүрдэх аж.

Мөн тус өдрүүдэд сайн дурын ажил хийх боломжтой. 

Эх сурвалж: Ойн газар