Ирландын нэрт зохиолч Оскар Уайлдын уран бүтээлийг тэмдэглэх “Oscariana: A Wilde Festival” наадам Дублин хотод 2026 оны аравдугаар сарын 16–18-нд болно. Дөрөв дэх жилдээ зохион байгуулагдах наадамд кино үзвэр, театрын тоглолт, яруу найраг болон зохиолчийн амьдралтай холбоотой газруудаар хийх аялал багтжээ.

Хүүхдийн хөтөлбөр аравдугаар сарын 17-ны өглөө Оскар Уайлдын бага насны гэрт болно. Эмили Коллинз “Аз жаргалтай ханхүү”, “Алтан гургалдай ба сарнай” үлгэрийг уншиж, дараа нь “Аминч аварга”-ыг хөгжим, хүүрнэл хосолсон сүүдрийн театраар үзүүлэхээр төлөвлөсөн байна. Дөрөв болон түүнээс дээш насны хүүхдэд зориулсан арга хэмжээний тасалбар найман евро бөгөөд хүүхдүүд тасалбартай насанд хүрэгчийн хамт оролцох шаардлагатай аж.

Кино сонирхогчдод Уайлдын зохиолуудаас сэдэвлэсэн бүтээлүүдийг үзүүлж, түүний амьдралыг өгүүлэх жүжиг болон гэр музейн аяллыг зохион байгуулна. Мөн Ирландын Утга зохиолын музейд зохиолчийн бүтээлүүдийн анхны хэвлэлүүдийг дэлгэхээр болжээ.