Нийслэлийн засаг дарга асан Х.Нямбаатар Ерөнхийлөгч У.Хүрэлсүхийг удаа дараа гүтгэсэн асуудлаар Монгол Улсын Ерөнхийлөгчийн Тамгын газраас мэдээлэл хийлээ. 

Ерөнхийлөгчийн тамгын газрын Хэвлэл мэдээллийн албаны даргаар Ц.Ганзориг: 

Түүний ярьсан гүтгэлэгүүдэд дараах баримт бүхий няцаалтыг өгч байна.

• Ерөнхийлөгчийг хувьдаа нисдэг тэрэгтэй мэт ярьсан нь худал, ташаа мэдээлэл. Монгол улсад 20 гаруй нисдэг тэрэг л байдаг бөгөөд үүний 18 нь хувийн компаниудад бий. Монгол Улсад зөвхөн Зэвсэгт хүчний жанжин штабд л нисдэг тэрэг бий. Монгол Улсын Ерөнхийлөгч нь Зэвсэгт хүчний ерөнхий командлагч тул шаардлагатай тохиолдолд нисдэг тэргээр үйлчилдэг. 
• Ерөнхийлөгчийг Австралид хувийн хаустай мэтээр ярьсан нь худал. Ерөнхийлөгч сүүлийн 12 жил тус улс руу зорчоогүй бөгөөд олон нийтийн мэдээллийн хэрэгслээр Австралийн үл хөдлөх хөрөнгийн агентлагийн зургийг ашиглаж хуурамч мэдээлэл түгээсэн.
• Ерөнхийлөгчийг Андууд тауэр хэмээх олон давхар барилгатай гэж мэдээлсэн нь худал. Уг хөрөнгө нь нийслэлийн эзэмшилд байдгийг тогтоосон. 
• Ерөнхийлөгчийг Гачууртад олон зочид буудалтай гэж мэдээлсэн нь худал. Ерөнхийлөгч аялал жуулчлалын үйл ажиллагаа явуулдаг Илт Хан ХХК-ийн 58 хувийг эзэмшдэг. Гэхдээ үүнд олон зочид буудал байдаггүй. Уг амралт нь Гачууртад бус Тэрэлжид байрлалтай. 
• Ерөнхийлөгчийг Бага тэнгэр 30-40 сая ам.долларын үнэ бүхий хотхон, хороололтой гэж мэдээлсэн нь худал. Олон нийтийн сувгаар түгээж байсан хаусын хороолол нь өөр иргэний нэр дээр бүртгэлтэй өмч юм. Ерөнхийлөгч өнгөрсөн удаад өөрийн хадгаламжаасаа амины орон сууц худалдан авч байсан тохиолдол байгаа. Энэ нь хөрөнгө оруулалтын мэдүүлэг дээрээ маш тодорхой байдаг. 
• Ерөнхийлөгчийг Unite mall гэх хувийн хувийн их дэлгүүртэй мэтээр ярьсан гүтгэсэн нь худал. Уг барилга нь Б.Даваадорж гэх иргэний нэр дээр бүртгэлтэй өмч юм. энэ хүн нь Ерөнхийлөгч У.Хүрэлсүхтэй ямар ч холбоо хамааралгүй хүн юм. 
• Ерөнхийлөгчийг тансаг машины цуглуулгатай гэж гүтгэсэн нь худал. БНХАУ руу оргон зайлсан НЗДТГ-ын хэвлэлийн ажилтан, Г.Золзаяа гэх этгээд Х.Нямбаатарын захиалгаар ерөнхийлөгчийг харлуулах ажиллагаа явуулж, эдгээр мэдээллийг түгээсэн гэж харж байгаа. Тэрээр мөн гэм буруугаа хүлээж, уучлалт гуйсан байдаг. Х.Нямбаатарын хувьд Ерөнхийлөгчийг гүтгэж байгаа энэ үйлдэл бол Канад улсад улс төрийн орогнолд хамрагдах нотлох баримт бүрлүүлэх зорилготой үйлдэл юм. Канад улс нь гэмт хэрэгтэнд улс төрийн орогнол олгодоггүй. Тэрээр ийнхүү бичлэг үлдээж, улс төрийн тэмцэгч болж харагдах гэсэн зальжин оролдлого хийх гэж үзэж байна.