"tvN" телевизийн "Queen of Tears" олон ангит кино үзэлтээрээ дээд амжилтыг эвдэж, олон ангит киноны үзэгчдээс өндөр үнэлгээ авсан байна.

“Nielsen Korea”-гийн мэдээлснээр, дөрөвдүгээр сарын 28-ны орой цацагдсан сүүлийн анги нь 24.9 хувийн үзэгчдийн үнэлгээ авчээ. Энэ үзүүлэлт нь 2020 оны хоёрдугаар сарын 16-нд цацагдсан "Crash Landing on You" цувралын дээд амжилтыг давсан юм.

Цуврал олон улсад ихээхэн нөлөө үзүүлж, гуравдугаар сарын 25-31-ний хооронд Netflix-ийн дэлхийн шилдэг арван (англи цуврал хамаарахгүй) цувралыг тэргүүлэн, нийт 93.8 сая цаг үзсэн амжилттай байна.

Энэ нь АНУ, Канад, Япон, Австрали, Энэтхэг зэрэг 68 орны шилдэг арван цувралд багтжээ. TIME сэтгүүл "Queen of Tears" киног сайшаан, К-драмын тогтсон хэв маягийг эвдэж, шинэлэг байсан тухай онцолжээ.

Эх сурвалж: The Korea Times