МУГТ Н.Төгсцогт Колумбийн боксчин Оскар Эскандонтой дараагийн тулаанаа хийхээр болжээ.

Тэдний тулаан долоодугаар сарын 26-нд Миссисипи мужийн “Билокси”-д болно. 

Монгол Улсын гавьяат тамирчин, Сонирхогчдын боксын олимпын наадам, ДАШТ -ий мөнгөн медальт, мэргэжлийн боксын IBO холбооны 57,2 кг жингийн дэлхийн аварга болж байсан Н.Төгсцогт хоёр жилийн өмнө сүүлийн тулаанаа АНУ-ын Нью Жерси мужийн Атлантик сити хотноо Намиби улсын боксчин Сакариа Лукастай хийж, тэнцэж байсан.

Түүнээс хойш албан ёсны тулаан хийгээгүй байсан Н.Төгсцогт спортдоо эргэн ирж буй юм.

Н.Төгсцогтын хувьд 2015 оны 3-р сарын 3-нд 23 настайдаа мэргэжлийн бокст анхны тулаанаа хийж, тэр цагаас хойш 2022 оныг хүртэл 7 жил мэргэжилд өрсөлдөж, 12 ялж, 2 ялагдаж, 1 тэнцсэн үзүүлэлттэй байна.