Төвийн аймгуудын ихэнх нутгаар дуу цахилгаантай, усархаг аадар бороотой. Тухайлбал, Булганы нутаг, Сэлэнгийн өмнөд болон зүүн хэсгээр өнөөдөр (2024.06.05) ахиухан хэмжээний бороо орно.

Иймд аянга цахилгаан, мөндөр, нөөлөг салхи, үер усны аюулаас сэрэмжтэй байхыг Цаг уур, орчны шинжилгээний газраас онцгойлон анхаарууллаа.

Улаанбаатар хотод мөн (2024.06.05) 17 цагийн орчимд хур тунадас 5.5 мм болж, огцом нэмэгдэнэ.

Энэ үеэр борооны гутал, цуваа бэлтгэж, тог дамжиж болох төмөр хашаа, хайснаас  зай барьж, усны судаг, шуудуйнаас холдон бага насны хүүхдээ анхаарч, үерийн аюулаас болгоомжлох шаардлагатай.

Мөн СӨХ, аж ахуйн нэгжүүд ус шахуурга(гном насос), хамгаалалт босгох зүйлсээ сайн бэлтгэхийг сануулж байна.