БНСУ-д Хөдөлмөр эрхлэх зөвшөөрлийн тогтолцооны хүрээнд ehalamj.mn сайтаар 2024 оны Солонгос хэлний түвшин тогтоох шалгалтын бүртгэлд бүртгүүлж, баталгаажсан иргэдээс Солонгос хэлний түвшин тогтоох шалгалт авч байна. Энэ удаагийн шалгалтад аж үйлдвэрийн салбарт ажиллахаар бүртгүүлсэн иргэд оролцох юм.

Шалгалтыг Хөдөлмөр, халамжийн үйлчилгээний ерөнхий газрын 2 давхарт с 2024 оны 07 дугаар сарын 04-нийг дуустал авна.

Шалгалт өгөх иргэд дараах зүйлсийг анхаарна уу.

• Шалгалтын хуваарийг бүртгэлийн дугаар болон овог нэрээр шалгана.
• Хуваарьт өдөр, цагт шалгалтад орохдоо цахим үнэмлэх эсхүл гадаад паспорт (ТҮЦ машинаар уншуулсан лавлагаа)-ыг эх хувиар нь заавал биедээ авч ирнэ. Та бичиг баримтгүй бол шалгалтад орох боломжгүй.
• Шалгалтад хамрагдах цагийг хатуу баримтлан (1-р ээлж 9:00), (2-р ээлж 10:30), (3-р ээлж 13:00), (4-р ээлж 14:30) тус тус заасан цагт суудлаа эзэлсэн байх ба шалгалтын цагаас хоцорсон тохиолдолд нөхөж өгөх боломжгүй.
• Шалгалтын байранд бусдад саад учруулахгүй байж, шалгалтын комиссын зааврыг дагаж мөрдөнө.
• Шалгалт УНШИХ, СОНСОХ төрлөөр завсарлахгүйгээр 50 минутын турш үргэлжлэх тул шалгалтаас түр гарахыг хориглоно.
• Бямба, Ням гарагуудад шалгалт зохион байгуулагдахгүй. Хугацааны хувьд тухайн нөхцөл байдлаас хамаарч өөрчлөлт орж болно.

Дэлгэрэнгүй мэдээллийг энд дарж авна уу.