УИХ-ын Андугаар чуулганы хэлэлцэх асуудлын хүрээнд анхлан УИХ-ын гишүүн Х.Тэмүүжин үг хэллээ.

Тэрбээр УИХ-ын даргаар Д.Амарбаясгаланг томилсонтой холбоотойгоор тухайн парламент өөрийнхөө мөрдөх дэгийг өөрөө тогтоох ёстой хэмээн байр сууриа илэрхийлэв.

Мөн УИХ-ын даргыг хэлэлцүүлэггүй сонгосон тул тогтоолын төслийн саналтай холбоотой таван зүйл хэлье гэсэн юм.

• Нэгдүгээрт, УИХ-ын дарга 126 гишүүний нэг байх ёстой. ҮАБЗ-д багтаж, парламентаас гадуур эрх эдэлдгийг болиулах ёстой. 
• Хоёрдугаарт, энэ удаагийн УИХ тусгай хяналтын дэд хороотой холбоотой чиг үүргийг Хууль зүйн байнгын хороо эсвэл дотоод иргэдийнхээ асуудал руу шийдэж оруулж ирэх шинэтгэлийг хийх хэрэгтэй.
• Гуравдугаарт, ямар ч парламентын засаглалтай улс оронд хууль тогтоох болон гүйцэтгэх эрх мэдлийн байгууллага нэг байранд байдагүй. Иймд Төрийн ордоноос Засгийн газрыг гаргана гэдэгт итгэж байна.
• Дөрөвдүгээрт, эвслийн Засгийн газар байгуулагдах тухай албан бус яриа бий. Ийм тохиолдолд парламент суларна. Аудит, Хүний эрхийн Үндэсний комисс, Төрийн албаны зөвлөл гэх мэт парламентын хяналтыг бие даан хэрэгжүүлдэг байгууллагуудаа ямар ч тохиолдолд гүйцэтгэх эрх мэдлээс ангид байлгах зохион байгуулалтыг хийх ёстой.
• Тавдугаарт, авлигатай тэмцэх үйл явцыг парламент тэргүүлэх ёстой.