Цэцэрлэгт бүртгүүлэх хүсэлтийг өнөөдрөөс (2024.08.01) e-mongolia болон esis мэдээллийн системээр дамжуулан хүлээн авч эхэллээ.

Улсын хэмжээнд 2024-2025 оны хичээлийн жилд цэцэрлэгийн насны 292’359 хүүхэд байна. Үүний 142’150 нь нийслэлд харьяалагдаж байгаа юм.

Нийслэлийн хүүхдийг насаар нь харуулбал,

• 2 настай-30894
• 3 настай-35055
• 4 настай-37204
• 5 настай-38997 хүүхэд байна.

Боловсролын ерөнхий газраас цэцэрлэгт бүртгүүлэх хүсэлт илгээхэд анхаарах зүйлсийг сануулжээ. Үүнд:

• Өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх
• Таны хүүхэд өнгөрсөн жил цэцэрлэгт явсан бол тухайн цэцэрлэгтээ “Үргэлжлүүлж явах” эсэх сонголтыг хийх
• Хэрвээ шилжилт хөдөлгөөн хийх бол 2024 оны наймдугаар сарын 12-оос өмнө баталгаажуулсан байх
• Хэрвээ E-Mongolia-р дамжуулан цэцэрлэгийн бүртгэлийн хүсэлт явуулах боломжгүй бол өөрт ойрхон цэцэрлэг дээр ажиллаж буй ажлын багт наймдугаар сарын 12-ны өдрөөс эхлэн хандаж зөвлөгөө, дэмжлэг авах

Эцэг, эхчүүд нийслэлийн хамран сургах тойргийн мэдээллийг Нийслэлийн боловсролын газрын сайт, пэйж хуудас болон утсаар авах боломжтой.