Улаанбаатар хотод Fiba 3x3 Sansar Challenger болон Fiba 3x3 U23 World Cup зохион байгуулна.

Sansar Challenger есдүгээр сарын 7-8-нд Сүхбаатарын талбайд болно. 

Энэ тэмцээнд олон улсын 16 баг оролцохоор бүртгүүлсэн байна. Үүнээс Монгол Улсаа төлөөлөн Ulaanbaatar MMC Energy, Sansar, Zavkhan Sainscore, Bayangol Broncos, Bayankhairhan, Selenge bodons гэсэн 6 баг хүчээ сорихоор болжээ.

U23 World Cup есдүгээр сарын 11-15 өдрүүдэд Сүхбаатарын талбайд болно. 

U23-д Франц, Хятад, Герман, Латви, Литва, Израиль, Нидерланд, Египет, Испани, Монгол, Итали, Чили, АНУ, Шинэ Зеланд, Япон, Украин, Алжир, Бенин, Аргентин, Кени гэсэн 20 орны эрэгтэй баг, Хятад, АНУ, Герман, Франц, Египет, Монгол, Япон, Унгар, Украин, Испани, Польш, Нидерланд, Чили, Израиль, Итал, Австрали, Бенин, Шинэ Зеланд, Кени, Уганда улсын 20 эмэгтэй баг тус тус өрсөлдөнө. Манай улсын хувьд эрэгтэй, эмэгтэй тус бүр нэг баг оролцох аж.