Португалын хөлбөмбөгч Кристиано Роналдо YouTube платформ дээр өөрийн сувгаа нээснээс хойш 90 минутын дотор нэг сая гаруй дагагчтай болж YouTube-д шинэ дээд амжилт тогтоожээ.

Кристиано Роналдо “Хүлээлт дууслаа. Миний бие YouTube сувгаа нээлээ. Сувгийг маань дагаж, шинэ аялалд надтай нэгдээрэй” гэж өчигдөр олон нийтийн сүлжээний хуудсуудаараа нийтэлсэн байна. Ингэснээр түүний YouTube дагагч нэмэгдэж эхний видеогоо байршуулснаас хойш 18 цагийн дотор шинэ сувгийнх нь дагагчдын тоо 15 сая орчим хүрсэн бөгөөд тухайн бичлэг есөн сая гаруй үзэлттэй байна. Түүний хувьд X платформ дээр 112.5 сая, Facebook дээр 170 сая, Instagram дээр 636 сая дагагчтай билээ. 

Роналдог Алтан дагина авч чадаагүй ч алтан play button авч чадлаа хэмээн олон нийт meme хийсэн байна.