Монгол Улсын Их Хурлын ээлжит бус чуулганы нэгдсэн хуралдааныг МАН-ын бүлгийн хүсэлтээр 23-ны баасан гарагт завсарлуулж, 26-ны даваа гарагт сунгаснаар өнөөдөр (2024.08.27) үргэлжилж байна.

Хуралдаанд УИХ-ын 126 гишүүний 9 нь чөлөө авчээ. Тэд гадаад болон дотоод томилолттой, эмнэлгийн чөлөөтэй байгаа хэмээн УИХ-ын дарга Д.Амарбаясгалан танилцууллаа.

Ийнхүү ирвэл зохих 117 гишүүнээс 83 гишүүн ирж, 65.9 хувийн ирцтэй хуралдаан эхэллээ. Үлдсэн 34 гишүүн хоцорсон эсвэл тасалсан байна.

Өнөөдрийн хуралдаанаар дараах 10 асуудлыг дарааллын дагуу хэлэлцэнэ.

1. Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн анхны хэлэлцүүлэг
2.  Монгол Улсын 2024 оны төсвийн тухай хуульд  өөрчлөлт оруулах тухай, Үндэсний баялгийн сангийн 2024 оны төсвийн тухай хуулийн төслүүдийн хоёр дахь хэлэлцүүлэг
3.  Монгол Улсын 2024 оны төсвийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн хууль, тогтоолын төслүүдийн анхны хэлэлцүүлэг
4.   Монгол Улсын нэгдсэн төсвийн 2023 оны гүйцэтгэл, Засгийн газрын санхүүгийн нэгтгэсэн тайлан болон “Монгол Улсын 2023 оны төсвийн гүйцэтгэл батлах тухай” Улсын Их Хурлын тогтоолын төслийн эхний хэлэлцүүлэг
5.   “Монгол Улсын Засгийн газрын 2024-2028 оны үйл ажиллагааны хөтөлбөр батлах тухай” Улсын Их Хурлын тогтоолын төсөл
6.    Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн эцсийн хэлэлцүүлэг
7.  Монгол Улсын 2024 оны төсвийн тухай хуульд  өөрчлөлт оруулах тухай, Үндэсний баялгийн сангийн 2024 оны төсвийн тухай хуулийн төслүүдийн гурав дахь хэлэлцүүлэг
8. Монгол Улсын 2024 оны төсвийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн хууль, тогтоолын төслүүдийн эцсийн хэлэлцүүлэг
9. "Тогтоолын хавсралтад өөрчлөлт оруулах тухай” Улсын Их Хурлын тогтоолын төсөл
10. “Тогтоолын хавсралтад өөрчлөлт оруулах тухай” Улсын Их Хурлын тогтоолын төсөл