"Парис 2024" паралимпын наадам эхлэхэд нэг хоног үлдлээ. Паралимпын наадамд дэлхийн 4400 тамирчин нэгдэн спортын 22 төрөлд өрсөлдөх юм. Наадмын нээлтийн ёслол наймдугаар сарын 28нд эхлэх бөгөөд ёслолд Паралимпын бамбарыг зөөн явах хүмүүсийн нэгээр тулааны урлагийн алдарт жүжигчин Жеки Чан нэрлэгджээ.

Өдгөө 70 настай, Холливудын алдарт жүжигчин Жеки Чан нь тулааны ур чадвар, хошин дүр төрхөөрөө танигдсан нэгэн билээ. Түүний хувьд Бээжин-2022 өвлийн олимп, Афин-2004, Бээжин-2008 зуны олимпод олимпын галт бамбарыг буухиалж байсан бол 16 жилийн дараа зуны олимпод дахин бамбар буухиалах гэж буй юм.